الثلاثاء، 20 مايو 2008

الاستثمار طلع مهم جدا


في برنامج علي قناه فضائيه مش عاوزه اقول اسمها بس ما علينا

دكتور محترم في طب القصر العيني بيتكلم عن الكبد وزراعه الكبد واتكلم عن اسعار ادويه خياليه كده ،مينفعش بكل المقايس المواطن العادي انه يشتريها اصلآ حتي امي كانت قاعده جمبي قالت بتعجب الموت ارخص!!

يلا ما علينا !!!

واتكلم كمان عن بحث عن دواء جديد وصناعته وقال انه احنا كدوله مصريه مشتركه في البحث ده فلو اكتشفنا الدواء ده هيتباع لينا بسعر التكلفه علي حد قوله!!؟

وقال بردو اننا بعد كده ممكن نبيعه لاي دوله كأستثمار!!!

استثمار!!!

بجد لا تعليق هي حياه المريض بقت استثمار،علشان البني ادم يتعالج أستثمار!!

تشتري الدواء بثمه علشان تخف!!

طيب والناس الغلابه اللي تحت خط الفقر نعمل فيهم ايه ولا هما خلاص ملهمش حظ في العلاج ولا السكن ولا حتي لقمه العيش!!

بجد والله ما عارفه اقول ايه !!

ربنا يتولانا ويتولي الغلابه علشان لما الادويه تغلي ملهمش غير ربنا يدعوه علشان يخفوا

علشان اصل الدواء بقي استثمار !!!!

بس الاغرب اني مختش بالي اصلآ ان المستشفيات كمان بقت استثمار يعني ولا دواء ولا مستشفيات!!

علي رأي ماما الموت ارخص

هناك 7 تعليقات:

دعاء مواجهات يقول...

بصى ياحبيبة قلبى

هو فعلا ارخص حاجة فى بلدنا هى حياة الانسان

وخصوصا اللى مامعاهووش

تحيااتى لنبضاتك الصادقة

بييس ياقمر

dodda يقول...

لا تحزنى

لنا رب اسمه الكريم

ربنا يخلى ماما..كلامها حكم

عاشقة الوطن يقول...

السلام عليكم

ازيك ياديدو
بصي ياستى
البلد حاليا فى طريقها انها تموت المواطن بالسكتة القلبية ان لم يكن بالنقطة
فهما بيحاولوا يعملوا حكاية أرتفاع الاسعار والأدوية والعلاج الاستثمارى ديه من ناحية عشان اول ما المواطن يسمع كده يموت لوحده
يبقي كده هو ريح واستريح

معلش ربنا يهون علينا اللى احنا فيه

تحياتى ياديدو

dido يقول...

دعاء. دودا. عاشقه الوطن
مرسي جدا علي اهتمامكم انكم تقروا كلامي وتعلقوا عليه خصوصا اني مش بقالي كتير بكتب
وبصراحه مش قادره ابص للموضوع بنظره متفائله واقول لا احنا غالين اوي لان الواقع بيقول عكس كده
بس لنا الله

عاشقة الوطن يقول...

السلام عليكم

ازيك ياديدو
ايه يابتنى فين جديدك
منتظرين تكتبي جديد ان شاء الله قريب

تحياتى

dido يقول...

البلوج بتاعي منور بيي يا عاشقه الوطن وانا والله بس اليومين دول مشغوله شويه عن قريب ان شاء الله اكتب
تحياتي ليكي والي الامام

د. محمد رضا يقول...

عارفه

فكرتيني بواحد صاحب بابا

كان عنده سرطان دم

وكان المفروض يغير دمه

ف استخسر الفلوس

وقال اخليها لابني الوحيد

على الاقل الفلوس هتنفعه اكيد

انما التغيير في نسبة فشل


الله يرحمه

المحزن انه بعد ما مات بفتره قصيره جدا

يمكن سنه او اتنين مراته اتجوزت



سلام