الخميس، 15 مايو، 2008

دعوه لمراجعه النفس


نفسي بجد نكون فاهمين الاسلام مش بس مسلمين في البطاقه
ليه مش بنعمل الفرائض ونبعد عن المعاصي؟
ليه مش بنتكسف من ربنا وهو شايفنا واحنا بنعصي؟
في حين اننا بنتكسف من الناس لو شافتنا !
وبردو سبحان الله بيسترنا واحنا بنعصي واحنا بردو مش بنبطل نعصيه
هل ده معناه ان قلبنا مات
ولا ضميرنا مات
ولا ده تفاه وسطحيه
انا مش عارفه بالظبط احط اللي احنا فيه كشباب او كمسلمين تحت مسمي
مش قادره اقول بجد غير لا تعليق
ربنا يهدينا

هناك تعليقان (2):

مصطفى محمد يقول...

سلامو عليكو

ياااا ديدا .. الكلام ده كبييييير أووووويييييي ..
مش قصدي انك ما تقوليهوش
انا قصدي انه صعب في تطبيقه
و يا سلام لو قدامك واحد رايح يسكر و قولتليه حاجة كده

:(
:)

dido يقول...

اولا مرسي جدا يا مصطفي علي تعليقك
وانت منور المدونه بتاعتي
بس انا عارفه انه صعب علينا وعليا انا كمان لسبب ان احنا علاقتنا بربنا مش كما يجب ان تكون
لو احنا بنحب حد بجد مش بنبقي عاوزين نزعله بنبقي عاوزين نرضيه باي طريقه
وانا بجد نفسي نكون مسلمين صح انا لما بقرا تاريخ حد من الصحابه دول بردو كانوا بشر ليه احنا منكونش زيهم طبعا هما مش اي بشر ولا احنا هنوصل ليهم بس اهي محاوله