اول مره اكتب واعبر عن راي طول عمري بحتفظ براي لنفسي وعايشه في عالم بتاعي انا
بس حسيت اني مليش دورفقولت اكتب واعبر عن راي ويمكن اقول حاجه قريتها وانا فهمت منها ايه
ويمكن اكون بعك
المهم اني اعبر عن راي واخرج من الصمت الرهيب ده
نفسي احس اني عنصر فعال في المجتمع واني بعمل حاجه اي حاجه احس منها اني بجد مؤثره وطبعا لازم يكون التاثير ده يكون تاثير نافع يعني مش اي تاثير
انا بحب اوي مصر مش كلام ولا هي ديباجه انا بجد بحبها مش متخيله اني اخرج منها
بحب الاماكن اللي انا كبرت فيها والشوارع وذكرياتي في كل شارع كبرت ولعبت فيه والاماكن اللي كنت بخرج فيها مع اصحابي وبيت جدتي بجد ليا ذكريات كتير اوي حلوه يمكن لما بكون مخنوقه ولا مضايقه وافتكرها بتهون عليا كتير وكل ده طبعا كان هنا في مصر فلازم احبها علشان انا كبرت فيها وذكرياتي دي كانت فيها
فعاوزه اعمل حاجه تخلي الاجيال اللي طالعه تحبها يمكن تكون الحاجه دي معلومه قريتها في كتاب او حاجه اتعلمتها من جدتي اللي انا من وجه نظري كانت ست اسطوره كانت ست ملهاش حل "الله يرحمها "
هناك تعليقان (2):
ديـــــــــدو
ألف ألف مبروك
بجد هايله وإن شاء الله نقرأ حجات عندك ونستفيد منها
أنا فرحان أوي إنك عملتي مدونه ربنا يوفقك يارب
بقلك إيه ياريت أعرف أكلمك اليومين الجايين
تحياتي ليكي يا ديــــــدو
الله يبارك فيك يا مادو انا كمان بقالي فتره مدخلتش علي المدونه بتاعتك وقريت تقريبا معظم الجديد .
وطبعا كالعاده معجبه برايك لان العادي بتاعك انك اكتر من رائع
والموضوع اللي كان فيه صوت الكروان وموضوع اسراء
باختصار شديد انت اكتر من رائع ربنا يوفقك وانا كمان عاوزه اتكلم معاك عن قريب اوووووووي
إرسال تعليق