الخميس، 1 يناير، 2009

نشجب... نعترض...... نحتج.... وبعدين
















في الاول طبعا ربنا ينصر اهل غزه وفلسطين كلها ويحررها يا رب من العدو الصهيوني وربنا يصبر اهل الشهداء جميعا وربنا يجعل الشهداء في اعلي عليين اللهم امين يا رب العالمين
مش عارفه ابداء كلامي منين بالظبط من الموقف العربي المايع بين الاحتجاج والشجب والاعتراض.
ولا من الدعاء مجرد الدعاء ربنا ياخدهم اللي بيعملوا فينا كده وياخد اليهود ولاد التييت.
ولا من الكلمات اللي بنقولها يا عيني ، يا حرام ، ربنا معاهم
ما كان من اول وعد بلفور لليهود ببناء وطن ليهم في ارض فلسطين العربيه،جم اليهود وقعدوا في الارض وهاتك يا ضرب في الفلسطينين ، وماله ربنا ينصرهم بردو مش بنعمل حاجه غير الدعاء ( طبعا انا مش بقلل من الدعاء ده نوع من انواع العباده، ولكن الله عز وجل قال " واعدوا لهم ما استطعتم من قوه ومن رباط الخيل ترهبون به عدو الله وعدوكم" مش بس ندعي ونقول ربنا ياخدهم) وبعدين نبني مسطوطنه وماله بردو ونسكت ونسكت، ومن قمه البجاحه بقي نقول دوله اسرائيل هي فين الدوله دي اصلا هما فضلوا يرددوا الكدبه لحد ما احنا العرب مع اننا عارفين انها كدبه صدقناهم وبقينا نقوا زيهم دوله اسرائيل مع ان والله مفيش دوله اصلا اسمها اسرائيل دي ارض عربيه فلسطينيه محتله من العدو الصهيوني اسمه عدو مش صاحب ارض .
والمصيبه ان اليهود بيعملوا كل حاجه علشان تحقيق هدفهم في انشاء وطن ليهم يعني هما يعملوا كل حاجه علشان وطن ليهم واحنا العرب نرضي باننا نفقد جزء من ارضنا .
ومن الحاجات اللي بتنرفذني جدا انهم خلونا نسمي الاشياء بعكس مسميتها بقينا بدل ما نقول ارض فلسطينيه محتله نقول دوله اسرائيل ، بقينا نقول علي الجهاد والمقومه والعمليات الاستشهاديه دي عمليات انتحاريه وارهاب بقينا نغير صوره المسجد الاقصي كمان ونحط بدله صوره مسجد قبه الصخره .
بكل بجاحه ولا محترمين سلام ولا عهود ولا اي نيله علي دماغهم .
حسبي الله ونعم الوكيل .

هناك 14 تعليقًا:

romansy يقول...

اول تعليق



ل



رومانسى

romansy يقول...

ان شاء الله النصر قريب
طالما فيه قلوب بتحس بالقلوب
وخايفه عليها
يبقى اكيد النصر جاى
اللهم انصر الاسلام واعز المسلمين
واهلك الشرك والمشركين
اعدائك اعداء الدين

Ahmed Al-Sabbagh يقول...

ربنا يكرمك
عام جديد ربما ياتى بالنصر

blue-wave يقول...

للأسف
هما بيعملوا فينا اللى هما عاوزينه
بيوجهونا بمزاجهم
لأننا ببساطه
قطيع من الأغنام

Nasimlibya يقول...

حسبنا الله ونعم الوكيل فيهم وفي كل خاين بيساعدهم
واهل غزة شهداء الحق شهداء العرض شهداء الارض


كل سنة وديدو بالف خير يارب وربي يطول ف عمرنا ونشوف فلسطين متحررة

dodda يقول...

هههههه
تعرفى يا ديدو
انا بقالى كام يوم بفتكر سعاد حسنى فى استعراض صغيره على الحب

هم ليه بقوا كده ؟؟
اصلهم هما كده

واحنا كده وكده ده ميرضيش ربنا
وعشان كده ده بيحصلنا
حسبى الله ونعم الوكيل

bastokka طهقانة يقول...

نشجب نعترض نحتج و بعدين


ننام ....نتكلفت....نشخر

تقبلي تحياتي
و اوروفوار

hasona يقول...

ما خرج من القلب يصل لقلب الطرف الاخر

مـجـنـووون يقول...

حمدالله علي السلامه بعد طول الغياب الكبير قوي

دي سياسة اليهود انهم يخلونا نفتكر أن مسجد قبة الصخرة هو المسجد الأقصي

ولسه لحد وقت قريب في ناس كطتيرة كانت بتحسب أن مسجد قبة الصخره هو المسجد الأقصي

تقبلي مروري
مجنووون

elsha3er يقول...

دى حكمة ربنا دى مش سلبية منى ولكن ورد فى القرأن الكريم والاحاديث ان لليهود سيرتفع شئنهم مرتين المرة الاولى كما فسرها المؤرخين هى ما قبل السبى البابلى لمملكة يهوذا والثانية هى الان

وعلى فكرة اليهود وطنهم فعلا فلسطين مما يشير الى مملكة يهوذا فى بيت المقدس
ولكن السبى البابلى افقدهم بلادهم وشتتهم ولكن هناك فرق عنما نقول اليهود ونقول اسرائيل او الصهيونى

اسرائيل اصلا اعتمدت على الصهيونية وليست اليهودية ولذالك يطلق على الارض المحتلة بالقوات الاسرائيلية
الكيان الصهيونى

وتحياتى لقلمك
وربنا يفك كربنا

احمد الشاعر

أ / أحمد عبد المنعم يقول...

بسم الله الرحمن الرحيم
دعوة عاجلة للزيارة
لزيارة مدونتى " أمــــى "
لرؤية هديتى لأمى فى يوم الأم
آسف لعدم التعليق على الموضوع الآن .

elsha3er يقول...

غايبة عننا بقالك كتير

اتمنى ان تكونى بخير



تحيلتى


احمد الشاعر

مصطفى محمد يقول...

سلامو عليكو

الا حضرتك فين؟

:)

مصطفى محمد يقول...

سلامو عليكو

كل سنة و حضرتك طيبة

تقبل الله منك

:‏)‏