الاثنين، 22 سبتمبر، 2008

ريشه في مهب الريح



ريشه طايره في مهب الريح نسمه توديها ، عاصفه تجبها ،يمكن تقع في الطين، ويسود لونها ،ويمكن تقع في الميه وتنضف،يمكن حد يدوس عليها وهو ماشي يمكن قاصد يدوس عليها ويمكن مش قاصد،يمكن حد ياخدها يرسم بيها.


بس اللي اعرفه عنها انها كانت ريشه بيضا طاهره ، مسالمه، مكنها صفحه السما الزرقا.
كان كل حلمها تفضل في جناح العصفوره، تفضل في السما الصافيه.


مكنتش تحب تقع علي الارض .
لان مكنها السما مش الارض .
بس يا تري هي وقعت بمزجها ولا غصب عنها؟!

هناك 22 تعليقًا:

nasimlibya يقول...

عودة ميمونة ورمضانك وكل ايامك خير ف خير
مش ممكن النسمة تستنا في حد ياخد بيها
ومش ممكن الظروف هي اللي خلتها في مهب الريح؟؟؟
التمسي ليها العذر تلو العذر
ومن الممكن انسجي نسيج يعفرلها ويخلي عندها عدر للشئ اللي صار
رغم اني حاسة ان عندك قصة او شئ تبي تقوليها من خلال اقتباس النسمة كقصة
بس تاكدي انه ف عذر
تحياتي وخليك متغبيش هلبة = كثير
يومك سعيد

مـجـنـووون يقول...

كلمات جميله وأحساس رائع

في أوقات كتيرة الظروف هي إلي بتشكل الإنسان
وفي أوقات تانيه الإنسان هو إلي بيختار ويقدر ظروفه ويبقي عارف هو رايح فين وجاي منين

بس صدقيني الريشه البيضه ، ممكن تسود من بره بس أكيد قلبها حيكون زي ما هو
تقبلي مروري
مجنووون

elsha3er يقول...

مش عارف لية عندى احساس انه مش مجرد خاطرة انتى بتتكلمى عن حد اوتقصدى حد تعرفى انا حاسس بكدة بس اللى عجبنى توافق الكلمات


احمد الشاعر

dido يقول...

السلام عليكم يا شباب

نسيم ليبيا :
رمضان كريم عليكي وربنا يخليكي ليا يا رب ويخلي ليا روحك الحلوه دي انتي سكر اصلا فعلا انا بقصد شخصيه بحكايه الريشه دي احيكي علي ذكاء وشايفه ان الظروف ظلمت الشخصيه دي


ـــــــــــــــــــــــــــ

مجنووون

علي فكراانت رائع جدا وفعلا الحالتين بيحصلوا واتمني ان الريشه دي يفضل قلبها ابيض

ـــــــــــــــــــــــــ

احمد الشاعر اولا منور وكلامك رائع فعلا احكي فيك ذكائك الرئشه دي فعلا حد وانا شايفه انه مظلوم شويه من الظروف وتوافق الكلمات دي يا سيدي من بعض ما عندكم والله :)


كلكم منورين والله ربنا يخليكم ليا :)

Selfmeaning يقول...

مش هقدر اقولك غير ان ديه هى طبيعة الحياة

elsha3er يقول...

اية عوضى اللى فات وهاتى موضوع تانى


احمد الشاعر

blue-wave يقول...

حلوة الكلمات
تقبلى تحياتى

مصطفى محمد يقول...

سلامو عليكو

الريشة التي كانت من المفروض أن تسكن السحاب سقطت من الجناح ربما لأن القدر شاء أن تنتهي هذه الأيام الصافية بعد أن انقضت مهمة تبييض القلب .. و أصبح من الضروري أن تعترك الأرض .. يداس عليها و تسود و تعبث بها الريح لأن القدر يعد هذه الريشة لأمر جلل لو علمه أهل السماء من الطير لتمنوا أن يكونوا مكانها .. أري أن الصبر طيب .. و الألم ينضج .. و الله من فوقنا يرعانا بحوله .. و عيد سعيد لكي و للريشة

اللهم تقبل الصيام و القيام
:)

أحمــــد يقول...

أولا كل عام وأنت بخير
وإلى الله أقرب
كلماتك جميلة ورمزية
ولكن الأقدار لا تأتى إلا بالخير
فما نظنه ضررا قد يكون أنفع ما يكون
فما دامت الريشة باقية فى مكانها
سامقة فى عنان السماء
فهى فى مكانها الطبيعى
فإذا ما سقطت
دلت على أحد شيئين
إما قدر جديد لم يكن لها دخل به
وإما خطأ جسيم منها
أن رضيت أن تكون تابعا
لحركة غيرها
باقية معه برغبته لا إرادتها
فقد رضيت أن تكون تابعة لجسد العصفورة لا رأى لها فى حركتها
أو فى بقائها
قد تلقى بها العصفورة متى شاءت
حينها تكون هى الجانية
لا المجنى عليها

ابو على يقول...

aيعنى اجى كده مفيش طبق بيتى فور ولا حته شيكاليطا
ورق وبتاع ووقعت على الارض والكلام دا

روقى روقى

كل سنه وانتى طيبه صحيح بمناسبه نصر اكتوبر

شالوم يا حلو

مـجـنـووون يقول...

أنتي فين ؟؟؟؟

يا رب تكوني بألف خير وترجعي بالسلامه

تقبلي سؤالي
مجنووون

الازهرى يقول...

dear dido

مسير الحلم يتحقق
مسير الردو تتفتح
مسير العصفور يرجع يطير
والريشة تاخدها نسمة هوا ماشيية لبر جميل


تحياتى

dodda يقول...

مش بس الريشه
كل الدنيا ماشيه بقدر

وربنا بيقدر الاقدار هو اللطيف وهو الجبار


حقائق كتسر حوالينا بنتأخر اوى فى ادراكها

بس الدنيا ريشه فهوا

romansy يقول...

ليه بس نظره الياس دى
انا شايف انها زهقت انها تكون دايما فى الهوا اكيد حبت انها تستقر بقى فى بلد واحده وارض واحده

تقبلى مرورى

mado80 يقول...

ديدو عامله ايه
ايه الكلام ده
وقصدك ايه بالريشه ولا ده مجرد خيال كاتب

ربنا يطمنا عليكي

صحيح مش انا اشتريت لاب توب وهاشترك في النت وهازهقه بعد كده

كل التحيه ليكي وكل التقدير

mado80 يقول...

انتي فين يا ديدو

وفين الجديد

مستني تكتبي حاجه جديده
:)

تحياتي

holyday يقول...

سلام عليك
كيف حال
مشكوره بصراحه اول مره نحس لهجه مصريه حلوه


بصراحه تعبيرك وتشبيهك حلو
بس عندي تعليق
ريشه ماطاحت الا انه مكتوب انه طيح
مرات انسان تصيرل حاجات هو مطلوم فيه بس نصيبه هكي
وربي صبار وربي يصبر جميع علي ماابتاله


تتقبلي مروري
اختك
فتاة من زمن اخر

mado80 يقول...

ديدو
كل ده ومافيش جديد
:)

كل سنه وانتي طيبه يا ديدو

Nasimlibya ;) N .Ali يقول...

يا بنتي انتي فين ؟؟
طمنينا عليك وكل سنة وانتي بصحة وسلامة يارب وحشتينا ياله بلاش كسل

dido يقول...

السلام عليكم
ازيكم يا شباب وحشينا جدا والله ليكم وحشه كبييييييير موت والله
وكان نفسي ارد علي كل تعليق جالي بس البرد بقي ادعولي اقوم منه وانا لسه بشبابي D:

منورين جميعا والله وكسفتوني من سؤالكم عني ربنا يخليكم ليا يا رب وان شاء الله هطرح جديدي في الاسواق D:

أ / أحمد عبد المنعم يقول...

بسم الله الرحمن الرحيم
ألف سلامة عليك من البرد
وأتم الله شفاءك على خير سريعا
وننتظر الجديد

nudy يقول...

لانها ريشة عصفور ملونه فأكيد مكانها ج يكون في ايد فنان او طفل كان بيحلم بالعصفور الجميل ولما لقي الريشة اخدها في حضنه ونام يحلم بالعصفور واكيد هي في اي مكان ح تكون فيه ح تكون مفيدة وسعيدة